Steriliteti dhe pamundësia për t’u bërë me fëmijë mbetet një nga problemet më të mëdha sociale te familjet shqiptare.
Edhe pse problemet që shkaktojnë sterilitetin janë të ndryshme, te shqiptarët vazhdon të ‘zotërojë’ mendësia se janë gratë ato që kanë probleme për të mbetur shtatzënë.
Kështu thotë Dr Drita Kabashi, e cila këshillon të gjitha çiftet që t’iu ikin këtyre ideve. Ajo tregon edhe trendin e sterilitetit në botë.
“Ne jetojmë në Kosovë dhe jemi shqiptarë dhe për këtë problem zakonisht e fajësojmë gruan.
“Por, statistikat botërore tregojnë se femrat janë në 45 % të rasteve faktor për sterilitet, ndërsa meshkujt në 40 %”, u shpreh Kabashi, shkruan Gazeta Shneta.
Sipas saj, problematike është fakti se në 15 % të rasteve nuk dihet se cila është arsyeja.
Duke folur për arsyet e sterilitetit, Dr Drita llogarit disa prej tyre: “Ka shumë, përfshirë infeksionet organet gjenitale te femrat dhe meshkujt, pastaj problemet me anomali të mitrës, cista, mioma, problemet me gjëndrën tiroide dhe poashtu edhe problemet e përgjithshme hormonale”.
Dr Drita i gëzohet faktit se ka shumë çifte të reja po e vizitojnë atë në planin e tyre para mbetjes shtatzënë, duke i dhënë asaj rastin që t’i kontrollojë dhe në rast të problemeve t’i trajtojë ato. /Gazeta Shneta/