Linja e vetme telefonike për parandalimin e vetëvrasjeve në Kosovës “Linja e Jetës” ka organizuar mbrëmë event për të mbledhur të ardhura përmes së cilave do të sigurohet edhe egzistenca e kësaj linje.
Në njërin nga lokalet në kryeqytet nën tingujt e muzikës shumë të rinjë pjesmarrës kanë kontribuar financiarisht në mënyrë që fondet të shkojnë direkt tek “Linja e Jetës”. Hyrja për në event ka qenë pesë euro.
Ky event gjithashtu shënon edhe përfundimin e muajit shtator, muajin për ndërgjegjësimin dhe parandalimin e vetëvrasjeve.
Themeluesi i linjës, Bind Skeja, gjatë hapjes së eventit ka falënderuar të gjithë të pranishmit për kontributin e tyre.
Dëshira për t’i ndihmuar të tjerëve e ka shtyrë Arbana Osën që të bëhet pjesë e Linjës së Jetës si vullnetare.
Ajo punën vullnetare tek linja e quan eksperiencën më të mirë në jetën e saj
“Vullnetare tek “Linja e Jetës” jam tash e gjashtë muaj dhe puna këtu është eksperienca më e mirë që më ka ndodhur në jetë. Pranoj thirrje të personave të cilët thërrasin tek ne”, u shpreh ajo për Gazetën Shneta
Për dy vite “Linja e Jetës” e cila vepron në kuadër të Organizatës Joqeveritare Qendra për Informim dhe Përmirësim Social – QIPSI ka zhvilluar rreth 5 mijë telefonata.
Fillimisht kjo linjë është hapur me një ekip prej 15 personave, dy prej tyre ishin psikolog – Bind Skeja dhe Uk Salihu ndërsa tani funksionon më rreth 50 anëtarë, duke planifikuar që stafi të zgjerohet.
Qytetarët të cilët kanë probleme shëndetësore psikologjike, siç janë stres, ankth e depresion mund të therrasin në Linjën e Jetës dhe të konsultojnë me psikologët.
Linja e vetme telefonike për parandalimin e vetëvrasjeve në Kosovë asnjëherë nuk është përkrahur nga Ministria e Shëndetësisë.
Për shkak të mungesës së fondeve, “Linja e Jetës” është detyruar të shkurtojë orarin e thirrjeve, nga ora 10:00 sa ka qenë orari tashmë orari është shkurtuar për katër orë, qytetarët mund të kontaktojnë nga ora 14:00 deri në orën 2:00 të mëngjesit./Gazeta Shneta/
“Linja e jetës” për parandalimin e vetëvrasjeve, nuk gjen përkrahje nga Ministria e Shëndetësisë