Në tremujorin e dytë të shtatzënisë kjo gjendje mund të sjellë shqetësime tek nëna dhe foshnja

2021-05-31 në ora 23:28

Diabeti gestacional zhvillohet kur nivelet e glukozës në gjak janë abnormale të larta gjatë shtatzënisë për shkak të trupit që zhvillon një rezistencë ndaj insulinës.

Ndër të tjera pa trajtim të duhur gjendja mund të dëmtojë nënën dhe foshnjën. Pas lindjes së foshnjës, simptomat e diabetit gestacional zakonisht zhduken sipas ekspertëve mjekësor, shkruan Medical News Today përcjell Gazeta Shneta.

Diabeti gestacional i shfaqur në kohën e shtatzënisë është një gjendje ku nivelet e glukozës në gjak janë shumë të larta.

Shenjat e diabetit gestacional zakonisht fillojnë rreth javës 20–24 të shtatzënisë në tremujorin e dytë.

Punonjësit e kujdesit shëndetësor poashtu marrin mostrat për testim të kësaj gjendje midis javës 24 dhe 28 të shtatzënisë.

Nivelet e tepërta të glukozës në qarkullimin e gjakut mund të shkaktojnë komplikime si për nënën shtatzënë ashtu edhe për foshnjën e palindur.

Kjo është arsyeja pse është e rëndësishme që një mjek të diagnostikojë diabetin gestacional menjëherë për të siguruar që nivelet e glukozës në gjak të mbahen të qëndrueshme.

Rreth 3–8% e grave shtatzëna në Shtetet e Bashkuara do të zhvillojnë diabet gestacional.

Nivelet e sheqerit në gjak zakonisht kthehen në shkallë normale pasi fëmija të lindë, megjithëse ekziston një shans prej 50% tek gratë që përjetojnë diabet gestacional që mund të zhvillojnë diabet tip 2 në të ardhmen.

Për të kuptuar më shumë rreth komplikimeve të shtatzënisë KLIKO KËTU.

Çfarë e shkakton diabetin gestacional?

Diabeti gestacional është gjendje ku trupi i një gruaje shtatzënë bëhet rezistente ndaj insulinës. Në organizëm ende prodhohet insulina, por ajo insulinë nuk është më efektive në uljen e nivelit të sheqerit në gjak.

Poashtu, kjo situatë zakonisht nuk shkakton simptoma të përgjithshme përveç në disa raste kur mund të sjellë një etje të rritur dhe një urinim më të shpeshtë se zakonisht.

Nëse dikush vëren simptoma të tilla gjatë shtatzënisë që i shkaktojnë shqetësim, pavarësisht sa delikate të jetë gjendja duhet të kontaktojë profesionistët shëndetësor. /Gazeta Shneta/