Specializantët me vetëfinancim nga 28 shtatori do të mund t’i nënshkruajnë aneks – kontrata e reja për subvencionim.
“Njoftohen specializantët e kategorisë me vetëfinancim se nënshkrimi i aneks-kontratave për financim të shkollimit specialistik nga kategoria e subvencioneve fillon nga data 28 shtator 2022, në Ministri të Shëndetësisë”, thuhet në njoftimin e ministrisë publikuar në ueb faqe.
Kontrata për subvencionimin e specializantëve me vetëfinancim ka përfunduar më 31 gusht 2022 – përmes kësaj kontrata financohen mbi 430 specializantë të kategorisë me vetëfinancim.
Qeveria e Kosovës gjatë këtij muaji ka ndarë 2 milion e 610 mijë e 100 euro për specializantët.
Specializantët me Financim të Rregullt financohen nga buxheti i ndarë për Ministrinë e Shëndetësisë ndërsa për Specializantët me vet- financim financimi bëhet në mënyrë vetanake apo përmes subvencioneve.
Duke klikuar KËTU mund të njoftoheni më detajisht për nënshkrimin e kontratave. /Gazeta Shneta/