Menopauza është një proces që ndodh tek gratë nga mosha 40 ose 50-vjeçare. Kjo gjendje manifestohet duke pasur mungesë të ciklit menstrual për një periudhë.
Mungesa e ciklit menstrual nuk është për shkak të se ju mund të jeni shtatzënë, por si rezultat i rënies natyrale të hormoneve shkruan Belly Belly, transmeton Gazeta Shneta.
Mësoni më shumë në lidhje me komplikimet e shtatzënisë KËTU
Por, cilat janë simptomat që e sinjalizojnë menopauzën?
-Periudha të parregullta menstruale
Për shumë gra, fillimi i menstruacioneve të parregullta është shenja e parë e perimenopauzës. Hormonet fillojnë të ndryshojnë dhe niveli i tyre fillon të bie.
-Djersitje gjatë natës
Ndër simptomat më të pakëndshme të menopauzës janë djersitjet gjatë natës. Kjo pasi nivelet e estrogjenit fillojnë të bien. Gjatë natës, këto ndryshime të temperaturës duken të jenë më intensive se gjatë ditës, për shkak të mungesës së vetëdijes sonë për to derisa simptomat janë shumë intensive.
-Probleme me gjumin
Rënia e hormoneve, kryesisht të estrogjenit dhe progesteronit, dhe ndryshimet në temperaturë mund të shkaktojnë probleme me gjumin tek gratë në menopauzë.
-Thatësi vaginale dhe humbje të dëshirës seksuale
Me uljen e niveleve të estrogjenit krijohet thatësi, kruajtje dhe dhimbje gjatë marrëdhënieve seksuale. Thatësia vaginale është simptoma më e zakonshme vaginale që përjetojnë gratë.
-Metabolizmi i ulët
Ndryshimet hormonale që shkaktojnë ndryshimet hormonale janë përgjegjëse për metabolizmin më të ngadaltë./Gazeta Shneta/