Këshlli Etik i Odës së Mjekëve të Kosovës ka gjetur fajtor gjinekologët Ahmet Payasli dhe Hana Çavdërbasha.
Gazeta Shneta ka mësuar nga burime zyrtare brenda OMK-së se Payasli është shpallur fajtor në tri pika, ndërsa Çavdërbasha në dy pika.
Vendimi i Këshillit Etik të OMK-së vjen pas mbajtjes së dy seancave gjatë dy javëve të kaluara. Procedura ishte iniciuar nga Inspektorati Shëndetësor, pasi kishin zbuluar se Payasli ishte duke punuar pa licencë.
Gjinekologu turk e kishte mbajtur hapur ordinancën e tij “Klinika Payasli” në Prishtinë me licencën e Dr. Hana Çavdërbashës, e cila njëkohësisht kishte punuar edhe në dy institucione tjera private. /Gazeta Shneta/
