Edhe nëse nuk planifikoni një lindje në spital, mund të keni nevojë të shkoni krejt papritur, kështu që përpiquni të keni një çantë të paketuar që në javën e 36-të të shtatzanisë.
Nëse jeni duke hyrë në muajt e fundit të shtatzanisë, tash është momenti i duhur për të bërë bashkë disa nga gjërat esenciale që do ju nevojiten gjatë qëndrimit tuaj në spital para dhe pas lindjes.
Rregullat e spitalit ndryshojnë dhe nuk mund ta dini saktë se çfarë ju lejohet të merrni me vete. Andaj sigurohuni që po paketoni gjërat e duhura.
Çfarë duhet të paketoni?
– Rroba të përshtatshme. Mund të ju duhet të lëvizni nëpër spital andaj duhet të keni rroba të përshtatshme që ju lejojnë të lëvizni lirshëm dhe të ndjeheni rehat.
– Pantofla të lehta. Merrni një palë pantofla pa lidhëse të cilat mund t’i mbathni e zbathni shpejtë.
– Çorape. Besoni apo jo, këmbët tuaja mund të ftohen krejt papritur gjatë qëndrimit tuaj në spital.
– Këmishë të natës. Merrni një këmishë natë të përshtatshme e cila mundet edhe të ju dëmtohet, andaj merrni dicka që mund ta hidhni më pas.
– Vaj për masazh. Një masazh i lehtë në pjesë të ndryshme të trupit dhe gjymtyrëve tjera do të ishte relaksues në disa momente, raporton GazetaShneta.
– Balsami për buzë. Duhet të jeni në dijeni që buzët tuaja mund të thahen shpejt andaj një balsam i mirë për buze do ju shërbente shumë.
– Ushqime dhe pije të lehta. Paktoni dicka të lehtë dhe të shëndetshme për të ngrënë dhe për të pirë. Kështu do të mbusheni me më shumë energji.
– Lidhëse flokësh. Nëse keni flokë të gjata, mund të dëshironi që ato të jenë të lidhura.
– Jastëkët. Spitali nuk mund të ketë mjaft për t’ju bërë me të vërtetë të ndiheni rehat. Një jastëk në formë V mund t’ju japë mbështetje shtesë kur ushqeni me gji fëmijën tuaj.
– Gjëra atraktive për të kaluar kohën e lirë. Libra, revista ose një tabletë, MP3 për muzikë etj./GazetaShneta/