Parazitët intestinalë, shenjat dhe shkaqet

2017-05-09 në ora 16:26

Organizmin e njeriut mund ta parazitojnë shumë mikroorganizma, pra, të marrin përfitime prej tij.  Në klasifikimin që merr për bazë ndërtimin qelizor, parazitët i ndajnë në njëqelizorë dhe shumëqelizorë. Dy nga llojet kryesore të parazitëve intestinalë janë helmintet (krimbat e zorrëve) dhe protozoarët.

Helmintet janë parazitë shumëqelizorë me përmasa që shkojnë nga disa milimetra, deri në disa metra. Tek të rriturit ato nuk mund të shumëfishohen. Ndërsa protozoarët kanë vetëm një qelizë, që transmetohet zakonisht kur dikush bie në kontakt me feçet e infektuara (për shembull, nëpërmjet ushqimit ose ujit të kontaminuar).

Shenjat dhe simptomat

Parazitët mund të jetojnë në zorrë për vite me radhë pa shkaktuar simptoma. Nëse shkaktojnë, shfaqen këto simptoma:

  • Dhimbje abdominale
  • Diarre
  • Të përziera dhe të vjella
  • Gazra ose fryrje barku
  • Dizenteri
  • Dhimbje barku
  • Lodhje dhe dobësi
  • Acarim në pjesën e rektumit
  • Rënie në peshë
  • Shfaqje e parazitëve në jashtëqitje

Nga se shkaktohen?

Këto faktorë rrisin rrezikun e zhvillimit të parazitëve intestinalë:

  • Qëndrimi në një vend me kushte higjienike të papërshtatshme
  • Udhëtimi në vende të tjera
  • Higjiena e dobët (si për ushqimin ashtu edhe ujin)
  • Mosha – fëmijët dhe të moshuarit rrezikohen të infektohen më shpejtë
  • Sistemi i dobët imunitar
  • Virusi HIV AIDS

Diagnoza

Mjeku mund t’ju pyesë nëse keni udhëtuar jashtë shtetit së fundi ose keni rënë shumë në peshë. Nëse ai mendon se keni parazit intestinal, do të duhet të kryeni një ose disa nga analizat e mëposhtme:

Analiza e feces (jashtëqitjes) mund të zbulojë si helmintet (krimbat  zorrëve) ashtu edhe protozoarët. Para se të merrni ilaçe kundër diarresë ose antibiotikë, duhet të bëni fillimisht një analizë të jashtëqitjes.

Një tjetër mjet diagnostikimi është vëzhgimi mikroskopik i parazitit.

Doktori mund të përdor rrezet X me barium për të diagnostikuar probleme më të rënda të shkaktuara nga parazitët, edhe pse zakonisht këto teste nuk janë të nevojshme./Gazeta Shendeti/