Profesori i mjekësisë Dr. Sami Salihu, ka shpjeguar për rastet e çarjes së buzës së lindur tek fëmijët.
Salihu thotë se ka disa arsye pse ndodh kjo, më e shpeshta është faktori gjenetik ndërsa ka edhe shkaqe të tjera sikurse rastet kur nënat shtatzëna kanë përjetuar ndonjë traumë.
“Për fat të keq ka edhe disa faktorë që nuk janë të regjistruar dhe nuk dihen saktë. Kur pyesim nënat ato tregojnë se nuk kanë pasur stres, nuk kanë pirë barna as nuk kanë konsumuar duhan. Ndërsa 23 për qind e çarjeve kanë faktorin gjenetik. Ka raste kur gjyshja, djali dhe nipat janë me çarje”, ka treguar Salihu.
Kirurgu maksillofacial thotë se këto çarje janë të përmirësueshme. Pas tre muajve të parë pas lindjes mund të mbyllet buza, ndërsa më vonë mund të mbyllet qiellza dhe pjesa ku dalin dhëmbët.
“Në aspektin mjekësor tek secili pacient nofulla mund të përmirësohet në kushte normale dhe të rregullohet në mënyrë estetike dhe funksionale”, ka thënë Salihu.
Ai ka treguar se para shumë viteve ka pas raste që prindërit janë ndarë për shkak të lindjes së bebes me çarje. Mjeku thotë se fatmirësisht tani kjo nuk ndodh.
Ndiqeni videon për më tepër detaje nga këto raste.
Prof. Dr. Sami Salihun mund ta vizitoni në Spitalin Sirona. /Gazeta Shneta/