Gjatë shtatzënisë, sidomos është e rëndësishme që të kujdeseni që të pini sa më shumë ujë e lëngje, pasi dehidrimi mund të ju shkaktojë shumë probleme e komplikime.
Të vjellat në mëngjes mund të jenë një nga shkaktarët e dehidratimit.
Simptomat e dehidratimit gjatë shtatzanisë:
Njerëzit të cilët ndjehen të etur pas djersitjes, ose ata që kalojnë një periudhë të gjatë pa pirë ujë janë të prirur për t’u dehidratuar.
Shenjat e tjera të dehidratimit janë:
Thatësi në gojë dhe fyt; Buzë të thata; Lëkurë të thatë; Lëkurë elastike ose të hollë; Urinë me ngjyrë të errët; Urinim i rrallë; Nuk djersisin edhe kur është nxehtë; Ndihen të lodhur; Kapsllëk dhe hemorroide; Kur dehidratimi është i përkeqësuar mund të mos keni më ndjenjën e etjes.
Disa shenja të dehidratimit të rëndë gjatë shtatzënisë:
Marramendje; Ndryshime në modelin e lëvizjes së foshnjës; Presioni i ulët i gjakut, i cili mund të shkaktojë marramendje ose zbehje; Dehidratimi mund të shkaktojë abort.
Shkaqet e dehidratimit gjatë shtatzanisë
Nuk pini ujë mjaftueshëm; Kur dehidratimi ndodh për shkak të mungesës së ujit, shpesh është e lehtë të rregullohet duke pirë më shumë ujë veçanërisht në fazat e hershme; Të vjellat mund të shkaktojnë dehidratim; Gjithashtu edhe disa sëmundje që mund t’i keni mund të shkaktojnë dëhidratim; Diarreja dhe të vjellat mund ta bëjnë të vështirë që trupi të thithë ujin që i nevojitet.
Komplikimet
Dehidratimi i lehtë nuk është zakonisht i rrezikshëm në shtatzëni për sa kohë që nëna merr lëngje të mjaftueshme. Dehidratimi i rëndë mund të jetë i rrezikshëm si për nënën ashtu edhe për fëmijën.
Mund të çojë në nivele më të ulëta të lëngjeve amniotike, të cilat mund të ndikojnë në zhvillimin e foshnjës.
Mund të çojë në lindje të parakohshmë dhe mund të ndikojnë në prodhimin e qumështit të gjirit.
Megjithatë, dehidratimi nuk është shkaku kryesor i lindjes së parakohshme. Rrallë, dehidratimi mund të shkaktojë koma apo edhe vdekje./pernenat