Një nga shenjat më të rëndësishme të shtatëzanisë, është një periudhë e humbur menstruale.
Sipas një sondazhi mbi simptomat e shtatzënisë të kryera nga Shoqata Amerikane e Shtatzënisë thuhet se:
– 29% e grave të anketuara raportuan një periudhë të humbur si simptomën e tyre të parë të shtatzënisë;
– 25% treguan se të përzierat ishin shenja e parë e shtatzënisë;
– 17% raportuan se një ndryshim në gjinjtë e tyre ishte simptoma fillestare e shtatzënisë;
Ndërsa gjakderdhja implantuese shpesh konsiderohet simptoma e parë, sondazhi zbulon se vetëm 3% e grave identifikojnë gjakderdhjen implantuese si shenjën e tyre të parë të shtatzënisë shkruan American Pregnancy Association, përcjell Gazeta Shneta.
Kur fillojnë simptomat e shtatzënisë?
Ju mund të përjetoni simptoma të shtatzënisë brenda një jave pas konceptimit.
Njolla ose gjakderdhje e lehtë
Nëse jeni shtatzënë, kjo simptomë zakonisht shoqërohet me gjakderdhje implantuese dhe konsiderohet si një nga shenjat më të hershme të shtatzënisë.
Embrioni, implantohet në mitër nga 6 deri në 12 ditë pas konceptimit. Kjo gjendje tek disa gra manifestohet me njolla, si dhe ngërçe.
Periudha e humbur menstruale
Një periudhë e vonuar ose e humbur është simptoma më e zakonshme e shtatzënisë që orienton një grua të marr një test për shtatzëni.
Për të mësuar më shumë rreth komplikimeve të shtatëzanisë KLIKO KËTU.
Nauzea ose sëmundja e mëngjesit
Nauzeja ose sëmundja e mëngjesit është shenja e dytë e parë që raportohet më së shpeshti e shtatzënisë.
Gratë në pritje të bebit të tyre, përjetojnë të përziera dhe nauze të cilat shfaqen zakonisht 2 deri në 8 javë pas konceptimit.
Gjinjtë e fryrë ose të butë
Simptoma e tretë e shtatzënisë e cituar më shpesh është ënjtja ose ndjeshmëria e gjirit.
Ndryshimet në gjinj mund të fillojnë që nga 1 deri në 2 javë pas konceptimit. /Gazeta Shneta/