Dhimbja e brezit të legenit- PGP gjatë shtatzënisë nuk është e rrallë. Nëse jeni shtatzënë, kjo është diçka për të cilën duhet të dini. PGP mund të fillojë qysh në tremujorin e parë ose sa më vonë vetëm disa ditë para lindjes.
PGP në shtatzëninë e hershme mund të jetë për faktin se koka e foshnjës tuaj po shkon poshtë legenit, term i cili njihet si “i angazhuar” shkruan parenting.firstcry. PGP fillon në shtatzëni, por ju mund të ndjeni dhimbjen edhe pas lindjes dhe nëse keni fat, nuk do të pësoni aspak dhimbje transmeton GazetaShneta.
Shkaqet e dhimbjes pelvike gjatë shtatzënisë
Një kombinim i faktorëve është përgjegjës për dhimbjen e brezit të legenit gjatë shtatzënisë. Disa prej tyre janë:
-Ndryshimet në mënyrën e funksionimit të muskujve tuaj në mënyrë që të mbështesin brezin tuaj
-Lëvizjet e pabarabarta të nyjeve
-Njëra nga nyjet nuk funksionon dhe shkakton stres në nyjet e tjera të brezit tuaj të legenit
-Në përgjithësi, kur jeni duke ecur, ulur, ngritur këmbë ose shtrirë, legeni juaj është në një pozitë të qëndrueshme ose të mbyllur. Kur jeni shtatzënë, ka raste kur ju duhet të bëni këto aktivitete me një legen të zhbllokuar ose më pak të qëndrueshëm dhe kjo është ajo që shkakton dhimbjen.
Më shumë se gjysma e të gjitha grave shtatzëna vuajnë nga dhimbje në brezin e legenit ose dhimbje në shpinë.
Megjithëse dhimbja e brezit të legenit është e zakonshme gjatë shtatzënisë, nuk është diçka që duhet të pranohet si normale. Është e rëndësishme që të mos e injoroni këtë dhimbje dhe është më mirë nëse këshilloheni me një mjek. Dhimbja mund të përkeqësohet nëse e lini të pa trajtuar./GazetaShneta/