Të mbetesh shtatzënë nuk është gjithmonë e lehtë dhe mund të kërkojë pak durim.
Nëse dëshironi të shpejtoni procesin dhe të mbeteni shtatzënë sa më shpejt të jetë e mundur, këtu janë disa hapa të dobishëm për të rritur pjellorinë tuaj dhe për të rritur shanset tuaja për të mbetur shtatzënë më shpejt shkruan BusinessInsider, përcjell Gazeta Shneta.
Për të rritur fertilitetin, sigurohuni që po hani një dietë të shëndetshme me vitamina dhe minerale thelbësore.
Shmangni pijet që përmbajnë kafeinë dhe alkool që mund të stresojnë trupin duke e bërë më të vështirë ngjizjen.
Për të mësuar më shumë rreth komplikimeve të shtatëzanisë KLIKO KËTU.
– Ushqehuni mirë
Studiuesit kanë zbuluar se ndjekja e një “diete të mirë fertile” mund të rrisë mundësinë e një personi, përndryshe të shëndetshëm, për t’u ngjizur.
Studime tregojnë se një dietë e pasur me vitaminë C, vitaminë E dhe zink, lidhet me një përqendrim më të lartë të spermës, si dhe lëvizshmëri më të madhe, e cila i referohet aftësisë së spermës për të notuar përmes traktit riprodhues drejt veza.
Për më tepër, ngrënia e ushqimeve që janë natyrshëm të pasura me antioksidantë, si pemët, perimet dhe arrat gjithashtu ndihmojnë në përmirësimin e cilësisë së spermës dhe mund të përmirësojnë shanset tuaja për të mbetur shtatzënë.
– Shmangni pijet e caktuara
Ajo që pini mund të ketë gjithashtu efekt. Alkooli do të dëmtojë shanset tuaja për t’u ngjizur, prandaj ekspertët rekomandojnë shkurtimin ose shmangien e pirjes fare.
Kafeina është një tjetër fajtor.
Dr. Lisa Pastore, obstetër gjinekologe, thotë se kufizimi i kafeinës në jo më shumë se 1 ose 2 gota në ditë është i rëndësishëm.
– Ndiqni ciklin tuaj menstrual
Një nga mënyrat më të drejtpërdrejta për të mbetur shtatzënë është të gjurmoni ciklin tuaj menstrual dhe të keni marrdhënie intime brenda dritares tuaj të pjellorisë, e cila është kur keni më shumë të ngjarë të konceptoni.
Dritarja e pjellorisë në përgjithësi fillon nga 5 ditë para ovulimit dhe përfundon një ditë më pas. Ju keni shumë të ngjarë të mbeteni shtatzënë nëse keni marrëdhënie intime në ditën kur keni ovuluar ose në dy ditë më parë. /Gazeta Shneta/