Sjellja prindërore tek fëmija ka ndikim më të madh nga ç’mund të mendohet, andaj duhet të keni shumë kujdes me sjelljen tuaj. Duke marrë parasysh fuqinë që ka pasqyrimi i prindit tek fëmija, mund ta përdorni atë për të ndikuar pozitivisht në përvojat mësimore të fëmijës, përmes disa praktikave të thjeshta.
Përcaktoni orare të qëndrueshme
Vendosni limite kohore të përbashkëta me fëmijët tuaj. Për shembull secili duhet të mbarojë detyrat përkatëse në një orë të caktuar, në mënyrë që pasdite të pini çaj bashkë, ose të hani diçka. Duke parë që ju jeni të rregullt me oraret, fëmija merr një shembull sesi duhet të veprojë edhe ai/ajo.
Mos lejoni teknologjinë t’ju kontrollojë
Të gjithëve na ndodh të shpërqëndrohemi nga rrjetet sociale ndërkohë që duhet të merremi me një punë tjetër. Kujdes të mos e bëni këtë gjë në prani të fëmijës, sepse i jepni shembull jo të mirë.
Tregohuni të organizuar
Bëjini punët me radhë, duke i kushtuar secilës vëmendjen dhe kohën e duhur, mos u hallakatni duke humbur kohën me gjëra të parëndësishme. Sa më sistematikë të jeni ju, aq më të prirur do të jenë edhe fëmijët t’ju ndjekin./pernenat.al/