Një studim i ri, i botuar nga Shoqata e Amerikës së Veriut për Menopauzën në revistën ‘Menopause’, zbuloi se një ndërhyrje dietike është po aq efektive (88%) sa terapia zëvendësuese hormonale (70-90%) për reduktimin e afsheve të nxehta të menopauzës, pa rreziqet shëndetësore të lidhura.
Testi WAVS – ‘Studimi i Grave për Zbutjen e Simptomave Vazomotore’ – zbuloi se një dietë me bazë bimore e pasur me soje reduktonte ndezjet e moderuara deri të rënda me 88% dhe i ndihmoi gratë të humbnin mesatarisht 8 kilogramë në 12 javë, shkruan Medical Xpress përcjell Gazeta Shneta.
“Ne nuk e kuptojmë ende plotësisht pse funksionon ky kombinim, por duket se këta tre elementë janë kyç: shmangia e produkteve shtazore, zvogëlimi i yndyrës dhe shtimi i një porcioni soje,” shpjegon studiuesi kryesor Dr. Neal Barnard nga Universiteti George Washington.
“Këto rezultate të reja sugjerojnë se ndryshimi i dietës duhet të konsiderohet si një trajtim i linjës së parë për simptomat shqetësuese vazomotore, duke përfshirë djersitjet e natës dhe ndezjet e nxehta”, shpjegon Dr. Barnard. /Gazeta Shneta/