Një video që është bërë virale në internet ka ekspozuar papërgjegjësinë e dy infermierve italiane gjersa ishin në orarin e punës.
Video-incizimi i publikuar nga anëtari I Komisionit të Shëndetësisë në Campania të Italisë, Francesco Emilio Borrelli shfaq pamje tejet skandaloze, shkruan GazetaShneta.
Në këtë video dëgjohen të qarat e shumta të foshnjes gjersa në dhomën pranë shihen dy infermieret duke lyer thonjët dhe krejtësisht të painteresuara për të qarat e pacientes.
Nëna e foshnjes 6 muajshe ka arritur që të kapë pamje ku shihen qartë dy punëtoret mjekësore.
Veprimi i infermiereve të incizuara është publikuar në “Corriere.it” dhe është dënuar ashpër nga komentues të shumtë.
Ndërsa Borreli ka cekur se rasti po hetohet për të gjetur prova për vërtetësinë e kësaj situate./GazetaShneta/