Një grua me kancer të gjirit në fazë të avancuar, i cili kishte metastazuar në trupin e saj, është pastruar plotësisht nga sëmundja nga një terapi inovative që shfrytëzon fuqinë e sistemit të saj imunitar për të luftuar tumoret.
Është hera e parë që një pacient me kancer të gjirit të fazës së vonshme është trajtuar me sukses nga një formë e imunoterapisë. Kjo formë përdor qelizat imune të pacientit për të gjetur dhe shkatërruar qelizat e kancerit që janë formuar në trup, transmeton Gazeta Shneta.
Judy Perkins, një inxhiniere nga Florida, ishte 49 vjeçe kur u përzgjodh për terapinë radikale të re, pasi disa raunde të kimioterapisë rutinore nuk arritën të ndalonin një tumor në gjoksin e saj të djathtë nga rritja dhe përhapja në mëlçi dhe zona të tjera. Në atë kohë, asaj iu dhanë tri vjet për të jetuar.
Mjekët që kujdeseshin për gruan në Institutin Kombëtar të Kancerit të ShBA-ve në Maryland thanë se reagimi i trupit të Perkins ishte diçka “e mrekullueshme”: terapia ia pastroi trupin nga qelizat e kancerit në mënyrë të efektshme
“Gjendja ime u përkeqësua shumë në fund. Kisha një tumor që më bënte presion në nerv, që do të thoshte se kalova kohën duke u përpjekur të mos lëvizja fare për të shmangur dhimbjet që më preknin krahun. Unë kisha hequr dorë nga lufta, “tha Perkins.
“Pas trajtimit, unë kam qenë në gjendje të ngjisja majet më të larta.”
Laszlo Radvanyi, drejtor shkencor i Institutit për Kërkimin e Kancerit në Ontario, i cili nuk ishte i përfshirë në trajtimin e Perkins, tha se ishte “një përgjigje e pashembullt ndaj një kanceri të avancuar të gjirit”./Gazeta Shneta/