Në faqen zyrtare të saj, mamia Razije Musa këshillon nënat për një veprim që fëmijët shpesh mund ta bëjnë e që mund të sjell pasoja të rënda.
Mamia paralajmëron se pozicioni i uljes së fëmijëve duke luajtuar në formë të shkronjës “W”, është mënyra e gabuar pasi formon keq këmbët e fëmijës suaj shkruan GazetaShneta.
Ajo tregoi se ky pozicion jo vetëm që shkakton probleme në aspektin estetik, por edhe në atë shëndetësor.
Për më shumë, lexoni njoftim e plotë të saj:
POZICIONI I GABUAR I ULJES, TE FËMIJËT KA PASOJA TË MËDHA
Prej dëshirës së fëmijëve për të luajtur dhe kënaqësisë që përjetoni si prindër kur i shihni fëmijët e angazhuar, ju shumë herë nuk i kushtoni rëndësi mënyrës si ulen fëmijët.
Ulja e quajtur “W” është mënyrë e gabuar që formon keq këmbët e fëmijëve tuaj.
Jo vetëm aspekti estetik por edhe ai shëndetësor ndikohet, mund të fillojnë telashe me dhimbje të gjunjve dhe kurrizit.
Ecja e fëmijëve me këtë deformim ngjason me të pinguinit.
Prandaj mos i lejoni fëmijët të ulen ashtu, angazhoni ata në aktivitete fizike, vraponi, luani sporte të ndryshme, ecni apo vallëzoni.
Kjo është shumë e rëndësishme për zhvillim normal.
Me dashuri,
Razija