Dashamirë të kafesë, gëzohuni! Një studim i ri zbuloi se mund të pini deri në 25 filxhanë kafe në ditë pa rritur ngurtësinë e arterieve tuaja – një faktor rreziku për sulme në zemër dhe goditje në tru.
Por, para se të filloni të pini 1.5 litra kafe të zier për të kaluar stresin gjatë punës, mbani në mend se ngurtësia arteriale është vetëm një faktor që ndikon në shëndet transmeton GazetaShneta.
Kafja nuk ndikon në ngurtësinë arteriale
Në studimin e ri të botuar në “BMJ Heart”, hulumtuesit testuan më shumë se 8,000 vetë për zakonet e tyre të konsumimit të kafesë. Ata gjithashtu kanë matur ngurtësinë arteriale të pjesëmarrësve në dy mënyra të ndryshme.
Hulumtuesit i kishin ndarë njerëzit në tri grupe në bazë të asaj se sa kafe kanë pirë: më pak se një filxhan në ditë, një deri në tre gota në ditë dhe më shumë se tre gota në ditë, raporton “British Cardiovascular Society”
Ndërsa përjashtuan ata persona që konsumonin më shumë se 25 filxhanë kafe në ditë.
Ngurtësia arteriale ishte e ngjashme në të tre grupet, madje edhe për njerëzit që raportuan se pinë deri në 25 gota në ditë.
Megjithatë, marrëdhënia midis kafesë dhe shëndetit është më e komplikuar sesa thjesht ngurtësia arteriale.
“Kafja dhe kafeina kanë një gamë të gjerë efektesh në trup përpos atij në sistemin kardiovaskular. Kur kafeja konsumohet në sasi të mëdha, këto efekte mund të jenë të dëmshme”, ka thënë Dr. Parveen Garg, asistent profesor i mjekësisë klinike në SHBA.
Por ai gjithashtu tregon për hulumtimet që tregojnë përfitimet e kafesë për shëndetin.
“Ka pasur shumë të dhëna të kohëve të fundit që sugjerojnë se konsumi më lartë i kafeinës mund të shoqërohet me një rrezik të reduktuar të sëmundjeve kardiovaskulare”, ka thënë Garg.
Studime të tjera kanë gjetur gjithashtu se më shumë se katër filxhanë kafe në ditë mund të mbrojnë kundër llojeve të caktuara të kancerit, duke ju mbrojtur po ashtu edhe nga sëmundja kronike e mëlçisë./GazetaShneta/