Mamia e njohur Razije Musa ka tërhequr vërejtjen nënave shqiptare për rrezikun që po i kanosin fëmijët e tyre.
Mamia ka treguar se ka pranuar një video nga një nënë e një foshnje, e cila shihet e vendosur në djep e veshur trash dhe e mbuluar me mbulesë në fytyrë. Këto gjëra sipas mamisë rrezikojnë foshnjën nga temperatura, transmeton Gazeta Shneta.
Më poshtë mund ta shihni VIDEOn dhe ta lexoni postimin e saj të plotë:
MOS I RREZIKONI BEBET….
Të dashura nana , unë në vazhdimësi jam në kontakt me ju dhe marr pyetje për çdo shqetësim tuajin. Kam pasur rast të mar disa pyetje rreth parahatisë së fëmijëve, gjumit jo të qetë dhe problemeve me sekret.
Pas diskutimit me njëren nga nanat kërkova nga ajo të ma dërgoj një fotografi se si po flen fëmija, ajo më dërgoj një video në të cilën shihet qartë se fëmija është i veshur trashë, është në djep i lidhur dhe mbi të gjitha e ka edhe fytyrën e mbuluar.
Ju lutem vëjeni veten në pozitën e atij fëmije, i lidhur, i veshur trashë, i mbuluar, plus me një mbulesë mbi fytyrë, si do të ndjeheshit ?
Është shumë me rëndësi që dhoma të jetë më së shumti deri në 22 gradë celsius, fëmijët të mos mbulohen shumë dhe koka asnjëherë të mos mbulohet.Kur e shihni se fëmija ka sekret vendoseni krevatin në lartësi prej 30 shkallëve që sekreti të bie poshtë e beba të frymojë lirshëm.
Video më është lejuar që ta publikoj në mënyrë që të japim një shembull se si nuk duhet të vihet në gjumë fëmija. Kjo nanë dhe asnjëra nuk duhet gjykuar sepse në momentin që e kërkoni informacionin ju po e kërkoni më të mirën për fëmijën tuaj.
Nuk do të doja komente paragjykuese, nga ky rast dua që të mësoni të gjithë.
Me dashuri, Razija.