Termi Sëmundje Seksualisht e Transmetueshme (STD) ose edhe Infeksioni Seksualisht i Transmetuar, përdoret për t’iu referuar një gjendje të kaluar nga një person në tjetrin nëpërmjet kontaktit seksual. Ju mund të infektioni me një një STD duke kryer marrëdhënie seksuale të pambrojtuara. Atë mund ta merrenie dhe përmes seksit oral.
Kjo nuk do të thotë se seksi është e vetmja mënyrë për të përcjellë sëmundjet seksualisht të transmetueshme. Në varësi të STD-së, infeksionet mund të transmetohen edhe përmes përdorimit të njejtë të gjilpërës dhe përmes ushqyerjes me gji”, transmeton GazetaShneta.
Simptomat:
Në shumë raste, këto infeksione nuk shkaktojnë simptoma të dukshme. Por kur ato fillojnë të shfaqen, gratë mund të kenë:
– dhimbje ose siklet gjatë seksit ose urinimit
– plagë, gunga, ose irritim në vaginë, anus, mollaqe, kofshë ose gojë
– shkarkimi i pazakontë ose gjakderdhja nga vagina
– kruarje në ose rreth vaginës
STD në shtatzëni:
Është e mundur që gratë shtatzëna të transmetojnë infeksionin vaginal tek fetusi gjatë shtatëzanisë ose të porsalindurit gjatë lindjes. Në të porsalindurit, STD-të mund të shkaktojnë komplikime. Në disa raste, ato mund të jenë kërcënuese për jetën, përcjellë “HealthLine
Për të ndihmuar në parandalimin e sëmundjeve ngjitëse seksuale tek të porsalindurit, mjekët shpesh inkurajojnë gratë shtatzëna që të testohen dhe trajtohen për sëmundjet e STD-ve të mundshme. Mjeku mund të rekomandojë testimin e STD edhe nëse nuk keni simptoma.
Nëse testi ju del pozitiv për një ose më shumë sëmundje ngjitëse seksuale gjatë shtatzënisë, mjeku mund t’iu përshkruajë antibiotikë, medikamente antivirale ose trajtime të tjera. Në disa raste, ata mund t’ju inkurajojnë të lindni nëpërmes prerjes cezariane për të ulur rrezikun e transmetimit së infeksionit gjatë lindjes.
Shërimi
Trajtimi i rekomanduar për STD ndryshon në varësi të infeksionit që e keni. Është shumë e rëndësishme që ju dhe partneri juaj seksual të trajtoheni me sukses për STD përpara se të rifilloni aktivitetin seksual. Përndryshe, ju mund t’ia kaloni njëri-tjetrit infeksionin.
Zakonisht, antibiotikët mund t’i trajtojnë lehtësisht infeksionet e tilla.
Është e rëndësishme që të përdorni të gjithë antibiotikët siç u janë përshkruar. Vazhdoni t’i merrni ato edhe nëse ndiheni më mirë para se të përfundoni marrjen. Konsultohu me mjekun nëse simptomat tuaja nuk kalojnë apo ju rikthehen pasi këni përdorë ilaçet e përshkruara./GazetaShneta/