Gratë me preeklampsi nuk janë duke u monitoruar në mënyrë adekuate dhe po përjetojnë komplikime nga tensioni i lartë i gjakut pas lindjes. Studiuesit thonë se është diçka që duket se mungon nga komuniteti mjekësor.
Një studim i publikuar në revistën e Shoqatës Amerikane të Zemrës (AHA), zbuloi se hipertensioni i vazhdueshëm është i zakonshëm tek gratë që kanë preeklampsi të rënda gjatë shtatëzanive të tyre, transmeton GazetaShneta.
Në fakt, shumë gra nuk e dinë se e kanë të ngritur tensionin e gjakut pasi të lindin dhe një gjendje e tillë pa dyshim se paraqet një sërë rreziqesh.
Rreziqet e preeklampsisë pas lindjes
Preeklampsia është përcaktuar si hipertension dhe proteina të ngritur në urinën e një shtatzëne.
Në vendet e zhvilluara, kjo ndodh në 5% të grave shtatzëna, përcjellë AHA.
Shkencëtarët tashmë e dinë se gratë me pre-eklampsi kanë më shumë gjasa të kenë tension të lartë pas lindjes në krahasim me gratë që mbanin tensionin normal të gjakut gjatë shtatëzanisë së tyre.
Në përgjithësi, shtatzënia vë presion mbi zemrën dhe sistemin e qarkullimit të gjakut të një gruaje.
Për shkak se vëllimi i gjakut shkon deri në 30 deri 50 për qind për të zhvilluar fëmijën, zemra e një gruaje shtatzënë pompon më shumë gjak në minutë dhe normat e saj të zemrës rriten.
Është e rëndësishme për gratë që janë shtatzëna t’i kushtojnë vëmendje të veçantë presionit të gjakut, sepse edhe gratë që nuk kanë pasur tension të lartë mund ta zhvillojnë atë gjatë shtatzënisë./