Urthi gjatë shtatzënisë është një gjendje që prek më shumë se 50% të grave, veçanërisht gjatë tremujorit të dytë dhe të tretë.
Zakonisht nuk është një shenjë e një problemi serioz, por mund të jetë mjaft e pakëndshme dhe madje e dhimbshme shkruan Pregnancy American Association, përcjell Gazeta Shneta.
Dispepsia është gjithashtu e zakonshme gjatë shtatzënisë dhe mund të ndodhë me urth. Nëse ndiheni të ngopur, të gazuar ose të fryrë, keni dispepsi!
Procesi i urthit, zhvillohet kur acidi gastrik nga stomaku juaj shtyhet lart drejt ezofagut (tubi midis gojës dhe stomakut tuaj).
Për të kuptuar më shumë rreth komplikimeve të shtatëzanisë KLIKO KËTU.
Kjo shkakton një ndjesi djegieje, mund të keni një shije të thartë në gojën tuaj ose një ndjenjë që të vjella po rritet në fytin tuaj.
Por, si mund të shmangni ose trajtoni urthin gjatë shtatëzanisë?
– Hani 6 vakte të vogla gjatë gjithë ditës në vend të 3 vakteve të rregullta. Kjo mund të parandalojë që stomaku juaj të bëhet shumë i mbushur.
– Mos hani shumë afër kohës së gjumit (2-3 orë para).
– Reduktoni ushqimet pikante ose ushqime të tjera të tilla si çokollata, ushqimet e skuqura dhe kafeina.
Nëse keni provuar mënyra të tjera dhe asgjë nuk duket se funksionon, ka antacide që vlerësohen të sigurta për t’u marrë.
Para vetë-mjekimit, bisedoni me mjekun ose farmacistin tuaj për të konfirmuar se çfarë është e sigurt. /Gazeta Shneta/