Të bëhesh nënë, sidomos për herë të parë, ka sfidat e saj – dhe gjithçka fillon me lindjen.
Nga gruaja tek gruaja, përvoja e lindjes mund të ndryshojë jashtëzakonisht – dhe një nga faktorët më të rëndësishëm që përcakton përvojat e nënave të reja është metoda se si ato lindin foshnjen. Për shembull, në Mbretërinë e Bashkuar rreth 16% e nënave kryejnë lindje përmes seksionit cezarian dhe shumicën e rasteve në mënyrë emergjente, atëherë kur jeta e foshnjës ose e nënës është në rrezik, transmeton GazetaShneta.
Hulumtimet e kryera kanë treguar ndikimin që kjo procedurë ka në trupat e nënave – duke përfshirë rrezikun e infeksioneve, plagë të vazhdueshme dhe parehati në zonën e abdomenit ose stomakut – por pasojat që janë më sa paku të njohura janë ato që lidhen me shëndetin e tyre mendor.
Studimi i kryer nga University of York (Valentina Tonei) analizon efektin e të pasurit një lindje të tillë të paplanifikuar në mirëqenien psikologjike të nënave të reja. Rezultatet treguan se lindja nëpërmjet kirurgjisë emergjente cezariane rrit rrezikun e zhvillimit të depresionit postnatal në nëntë muajt e parë pas lindjes tek rreth 15% nga 5000 gratë e përfshira në eksperiment, raporton Science Direct.
Depresioni pas lindjes mund të ketë një ndikim të thellë dhe afatgjatë në jetën e nënave të reja. Kjo mund të çojë në një përkeqësim të marrëdhënies me partnerin e tyre dhe të kufizojë aftësinë e tyre për të punuar.
Depresioni pas lindjes gjithashtu mund të bëhet një gjendje kronike që ndikon në mënyrën se si nënat kujdesen për fëmijët e tyre. Në të vërtetë, studimet e mëparshme kanë gjetur norma më të ulëta të imunizimit dhe pranime më të larta në spitale tek fëmijët e nënave të me depresion.
Natyrisht, në shumë raste, lindjet e papritura emergjente nuk mund të shmangen. Por rezultatet e këtij hulumtimi nxjerrin në pah rëndësinë e mbështetjes psikologjike shtesë për gratë që kanë një cezariane emergjent.
Kjo është e rëndësishme, sepse mbështetja e nënave që lindin në këtë mënyrë, jo vetëm që mund të ndihmojë në reduktimin e rrezikut të depresionit pas lindjes dhe në përmirësimin e mirëqenies së tyre, por gjithashtu mund të përmirësojë raportet familjet e tyre dhe në veçanti raportin me fëmijët e tyre./GazetaShneta/