Studimi i ri zbulon se si bari për epilepsinë dhe migrenën shkakton defekte të lindjes tek shtatzënat

Acidi valproik – një bar që përdoret për trajtimin e epilepsisë, migrenës dhe çrregullimit bipolar – mund të shkaktojë defekte të lindjes kur merret gjatë shtatzënisë.

Tani një studim i botuar më 14 qershor në revistën me akses të hapur ‘PLOS Biology’, nga autori Bill Keyes i Institutit të Gjenetikës dhe Biologjisë Molekulare dhe Qelizore, në Francë, ka plotësuar boshëlleqet rreth profilit të sigurisë së barit në fjalë, përcjell Gazeta Shneta.

Acidi valproik përdoret gjerësisht për të trajtuar një sërë sëmundjesh. Megjithatë, që nga përdorimi fillestar i barit, ka pasur mijëra raste të grave që kanë marrë këtë substancë terapeutike gjatë shtatzënisë dhe më pas kanë lindur fëmijë me defekte të lindjes, duke përfshirë spina bifida, ndryshime të fytyrës dhe keqformime të zemrës.

Për më tepër, rreth një e treta e foshnjave të ekspozuara zhvillojnë dëmtime njohëse dhe çrregullime të spektrit të autizmit.

Për të mësuar më shumë rreth komplikimeve të shtatzënisë KLIKO KËTU.

Në studimin e ri, Dr. Keyes dhe kolegët përdorën të dy organoidet njerëzore – grupe tredimensionale të qelizave njerëzore të rritura në laborator – si dhe minjtë për të studiuar ekspozimin embrional ndaj acidit valproik.

Mes tjerash, ata zbuluan se acidi valproik nxit plakjen qelizore në zonat neuroepiteliale – qelizat burimore që krijojnë sistemin nervor qendror. /Gazeta Shneta/